"Манчестер Сити" бош мураббийи Пеп Гвардиола "шаҳарликлар" ярим ҳимоячиси Фернандиньо ёзда жамоани тарк этишни режалаштираётгани ҳақидаги баёнотига муносабат билдирди.
"Фернандиньонинг сўзларидан хабарим йўқ эди, сиз журналистлар бу ҳақда менга хабар бергансизлар. Мен ҳеч нарса эшитмадим. Келинг, мавсум охирида нима бўлишини кўрамиз. Икки ойдан кейин нима бўлишини билмайман", - дея Гвардиоланинг сўзларини келтиради BBC Sport.
Олдинроқ Фернандиньо 2021/22 йилги мавсум охирида "Манчестер Сити" билан шартномасини узайтирмоқчи эмаслиги ва Бразилияга қайтиш нияти борлигини айтганди.
