"Манчестер Юнайтед"нинг португалиялик юлдузи Криштиану Роналду жамоадаги келажаги борасида бир қарорга келмаган, дея хабар берди журналист Фабрицио Романо.
Манбага кўра, Роналду "Манчестер Юнайтед"нинг янги бош мураббий борасидаги қарорини, шунингдек, клубнинг кейинги режаларини кутмоқда.
Криштиану ҳар бир учрашувда майдонга туша олмаслигини, клубга яна бир ҳужумчи кераклигини тушунади. Қандай бўлмасин, Роналду ўзини жамоа учун муҳим футболчи сифатида ҳис қилишни хоҳлайди.
Маълумот учун, 37 ёшли футболчининг "қизил иблислар" билан амалдаги шартномаси 2023 йилда якунига етади. Жорий мавсум у жами 34 та ўйинда майдонга тушиб, 18 та гол урди ва 3 голли узатма амалга оширди.
