Роналдо ўзининг «Барселона»дан «Интер»га ўтиш тафсилотлари ҳақида гапирди.

Бразилиялик ҳужумчи 1997 йилда Каталония клубидан «Интер»га ўтган ва 2002 йилгача «Интер»да ўйнаб, «Реал»га трансфер бўлган эди.

«Мен «Барселона» билан шартномани узайтириш бўйича келишувга эришдим, бироқ тўрт кундан кейин президент менга қўнғироқ қилиб, ҳамкорликни давом эттиришнинг иложи йўқлигини айтди. У менга бошқа жамоалар билан музокара олиб боришим мумкинлигини айтишди.

«Нерадзуррилар» тезда жавоб қайтарди ва товон тўлади. Ўша йиллардаги Италия чемпионати ҳақиқатан ҳам дунёнинг энг яхши лигаси эди», - дейди Роналду.