"Атлетико Мадрид" ҳужумчиси Луис Суарес ёзги трансфер ойнасида клубини ўзгартириши мумкин. Бу ҳақда Mundo Deportivo нашри хабар берди.
Манбага кўра, уругвайлик футболчи "Барселона" бош мураббийи Хави билан боғланиб, клубга қайтиш истагини билдирган. У жамоада минимал маош билан ҳаракат қилишга тайёр.
Маълумот учун, 35 ёшли форварднинг "матрасчилар" билан амалдаги шартномаси жорий мавсум якунида нихоясига етади. Суарес жорий мавсум жами 39 та ўйинда майдонга тушиб, 13 та гол урди ва 3 голли узатма амалга оширди.