«Football Italia» ва «La Gazzetta dello Sport» нашрларининг хабар беришича, Италия футбол федерацияси прокуратураси «Юве» раҳбари Андреа Аньеллини 1 йилга, «Наполи» президенти Аурелио Де Лаурентисни эса 11 ой-у 5 кунга дисквалификация қилишни талаб қилмоқда. Манбага кўра, улар ўз клублари ўйинчиларнинг трансферлари бўйича нотўғри маълумотлар тақдим этилган.
Улардан ташқари прокуратура «кекса синьора» спорт директори Федерико Керубини, вице-президент Павел Недвед, бош директор Маурицио Арривабене, шунингдек, ҳозирда «Тоттенхэм»да ишлаётган Фабио Паратичини ҳам жазоламоқчи. Уларнинг барчаси турли муддатларга дисквалификация билан таҳдид қилинмоқда, «Ювентус» эса 800 минг евро миқдорида жаримага тортилади.
Неаполликларни Де Лаурентиснинг рафиқаси, ўғли ва қизи, шунингдек, клуб бош директори Андреа Киавелли футболдан четлатиши мумкин. «Наполи»нинг ўзи эса 329 минг евро жаримага тортилиши мумкин.
