Мадриднинг «Атлетико» клуби бош мураббийи Диего Симеоне «Манчестер Сити»га қарши Чемпионлар лигасининг чорак финали дастлабки учрашувидан сўнг аргентиналик мураббийга қилинган танқидларга изоҳ берди.
ЕЧЛнинг 1/4 финал дастлабки учрашувидан кейин «матрасчилар» устози 5-5-0 схемасидан фойдаланганликда айбланган эди.
"Отам ҳар доим айтади: "Балиқ оғзидан чирий бошлайди" - деб. Ҳеч ким гапиришни тақиқламайди, бу ҳар кимнинг ҳуқуқидир. Ҳар бир мураббийнинг ўз услуби бор, мен аллақачон ўзимнинг услубимни танлаганман. Аммо, шу билан бирга, мен ҳамкасбларимни доим ҳурмат қилганман” - деди Симеоне ўйин олдидан ўтказилган матбуот анжуманида.
Эслатиб ўтамиз, "Манчестер Сити"га қарши биринчи ўйинда "Атлетико" сафарда 0:1 ҳисобида мағлуб бўлганди.
