Хорватия терма жамоаси ва «Реал» клуби ярим ҳимоячиси Лука Модрич Чемпионлар лигаси ярим финалига чиққани ҳақида фикр билдирди. Чорак финал босқичида «Қироллик клуби» «Челси»ни мағлуб этди.
"Ушбу ўйинни таърифлаш учун ҳеч қандай сўз йўқ. Гол урмагунимизча жуда қийналдик. "Челси" учта гол урди. Биринчи голда омад уларга кулиб боқди. Ёмон ўйнадик деб айта олмайман. «Челси» ўз имкониятларидан унумли фойдаланди ва гол уришга муваффақ бўлди. Биз таслим бўлмадик. Биз ишонишда, курашишда давом этдик ва охир-оқибат кучли характер кўрсатдик. 3:0 ҳисобида ютқазаётганимизда стадион ва мухлислар бизга катта ёрдам берди. Улар бизни қўллаб-қувватлашда давом этишди ва бу бизга ишонишда давом этишимизга туртки бўлди. Якунда, биз ишларни тўғри йўлга қўйиш учун ажойиб характер, истак ва бирдамликни намойиш этдик. Бу жуда ёқимли мағлубият», - деди Модрич BBC билан суҳбатда.
