Мадриднинг «Реал» клуби бош мураббийи Карло Анчелотти фаолиятида 8 марта Чемпионлар лигасининг ярим финалига чиқди. 1/4 финалнинг жавоб учрашувида «қаймоқранглилар» ўз майдонида «Челси»га имкониятни бой беришди (қўшимча вақт 2:3), аммо умумий ҳисобда ғалаба қозонишди (5:4).
Твиттердаги B/R Football хабарига кўра, Анчелотти Чемпионлар Лигаси ярим финалига чиқиш борасидаги рекорд бўйича «Рома»нинг амалдаги бош мураббийи Жозе Моуриньо ва «Манчестер Сити» бош мураббийи Хосеп Гвардиолага тенглашиб олди. Фақат бу 3 нафар мураббий ўз фаолияти давомида 8 марта Чемпионлар лигасининг ярим финалига қадар этиб борган. Эслатиб ўтамиз, Анчелотти «Реал» билан 3 марта, «Милан» билан 4 марта, «Ювентус» билан яна бир марта Чемпионлар лигасининг 1/2 финал босқичига чиққан.
Шу билан бирга, 13 апрель куни Гвардиола агар «Ман Сити» «Атлетико»ни умумий ҳисобда мағлуб этса (биринчи ўйин инглизлар фойдасига 1:0 ҳисобида якунланган) бу кўрсаткич бўйича ягона пешқадамга айланиши мумкин.
