Англия терма жамоасининг собиқ ҳимоячиси Рио Фердинанд Чемпионлар лигасининг 1/4 финалида "Реал"нинг "Челси" устидан қозонилган ғалабасидан сўнг, ҳужумчи Винисиус Жуниорнинг ўйинига баҳо берди. Бразилиялик футболчи "қироллик клуби"нинг 2-голига ҳаммуаллифлик қилди.
"Винисиус Жуниорнинг ўрнида кўпчилик ўйинчилар энг осон вариантни танлашади: тўпни жарима майдончаси ичига узатиш. Бироқ, Вини ёш футболчи бўлса ҳам босиқлик кўрсатди. Бу унинг ягона имконияти эди, лекин у тўғри қарор чиқарди", - дея Фердинанднинг сўзларидан иқтибос келтиради УЕФА матбуот хизмати.
