Кубок доирасидаги баҳсда АГМК сафарда "Хоразм" жамоасини 3:0 ҳисобида мағлуб этди.
Ўйиндан кейинги матбуот анжуманида иштирок этган АГМК бош мураббийи Миржалол Қосимовнинг фикрлари қуйидагича бўлди:
— «Қийин ғалабага эришдик. Ўйин томонлама эмас, майдон ҳолатидан кўпроқ қийналдик. Биринчидан, сунъий майдон. Иккинчидан, худди бетонга ўхшаб жуда қаттиқ экан. Шахсий фикрим, бу каби майдонларда ишдан кейин кечки пайт ҳаваскорлар келиб, шунчаки дам олиш учун тўп тепиб турса бўлади. Лекин профессионал футболчиларни бундай майдонларда ўйнатиш керак эмас. Айниқса, Суперлига ва Пролига жамоалари ўйнайдиган стадионлар яхши ҳолатда бўлиши керак. Ютганимиздан хурсандман. Муҳими, ўйинни жароҳатларсиз тугатиб олдик. Энди "Зомин" билан бўладиган беллашувга тайёргарлик кўрамиз. "Хоразм" клубига омад тилайман»
