«Реал Мадрид» келаси ой икки асосий футболчиси билан янги шартнома имзолашни режалаштирмоқда.

36 ёшли хорватиялик ярим ҳимоячи Лука Модричнинг «қаймоқранглилар» билан амалдаги шартномаси икки ойдан кейин якунига етади. Инсайдер Фабрицио Романонинг сўзларига кўра, «Реал» май ойида Модрич билан янги шартнома бўйича музокараларни бошлайди. Худди шу нарса 21 ёшли вингер Винисиус Жуниор билан ҳам амалга оширилади. Бразилиялик футболчининг клуб билан шартномаси 2024 йилнинг ёзига қадар амал қилади.

Лука Модрич жорий мавсумда «Реал» сафида 37 та ўйинда майдонга тушиб, 2 та гол ва 9 та голли узатмага муаллифлик қилган. Винисиус 43 та учрашувда 17 та гол ва 17 та голли узатмага муаллифлик қилган.