Бугун Хоразм вилояти 1-сонли болалар ва ўсмирлар футбол академиясида ЎФА вице-президенти Одил Аҳмедов, ўзбек футболи афсонаси, айни вақтда «АГМК» клуби бош муррабийи Миржалол Қосимов, «АГМК» клуби муррабийи Ҳайрулла Каримов, ҳимоячи Анзур Исмоилов, «Хоразм» клуби бош директори Мақсуд Каримов иштирокида академиянинг тарбияланувчилари учун давра суҳбати бўлиб ўтди.

Самимий руҳда бўлиб ўтган суҳбатда мутахассислар бўлажак ёш иқтидор соҳибларига профессионал футболчи бўлиб етишиш учун тушунча ва маслаҳатларини бериб ўтдилар.

Шунингдек, суҳбат давомида, академия тарбияланучилари ўзларини қизиқтирган саволларига жавоблар олишди.