Аргентинанинг «Ривер Плейт» ярим ҳимоячиси Энцо Фернандешга Европанинг иккита топ-клуби қизиқиш билдирмоқда.

«Реал Мадрид» ва «Манчестер Юнайтед» 21 ёшли футболчининг ўйинларини диққат билан кузатиб бормоқда. Ҳар икки клуб аргентиналик ёш футболчи билан аллақачон алоқага чиққан, бироқ ҳозирча расмий таклиф билан чиққани йўқ, дея хабар беради журналист Сесар Луис Мерло.

Фернандешнинг «Ривер Плейт» билан шартномасидаги товон пули 20 миллион еврони ташкил этади, бироқ Аргентинада трансфер ойнаси ёпилишига 10 кун қолганда унинг нархи 25 миллион еврога кўтарилади.

Энцо Фернандеш «Ривер Плейт» сафида 35 та ўйин ўтказиб, 5 та гол ва 6 та голга ассистентлик қилди.