Мадриднинг «Атлетико» клуби «Бетис»нинг франциялик ярим ҳимоячиси Набил Фекирга қизиқиш билдирмоқда, дея хабар беради Footmercato.
Манбанинг хабарига кўра, «матрасчилар» ёзги трансфер ойнасида футболчи сотиб олиш вариантини кўриб чиқмоқда. Футболчининг шартномасидаги товон пули 100 миллион еврони ташкил қилади. Олдинроқ франциялик футболчига «Барселона» қизиқиш билдираётгани ҳақида хабар берилганди.
28 ёшли Фекир жорий мавсумда «Бетис» сафида барча турнирларда 39 та ўйинда майдонга тушиб, 10 та гол ва 9 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
