Европа Чемпионлари Лигасининг 1/4 финал жавоб учрашувида "Атлетико" ўз майдонида "Манчестер Сити"ни қабул қилди.

ЕЧЛнинг чорак финал жавоб учрашуви эканлигини ҳисобга олган ҳолда айтиш мумкинки, учрашувнинг 80 дақиқаси жуда зерикарли тарзда ўтди.

Лекин, айнан сўнгги 10 дақиқада жамоалар "уйғонишди". "Атлетико" ҳужум қилишни бошлади, футболчилар ўртасида оммавий тартибсизлик юзага келди, қизил карточка кўрсатилди, аммо гол бўлмади.

Пеп Гвардиола шогирдлари дастлабки учрашувда киритилган гол эвазига ярим финалга йўл олишди.

"Атлетико" (Испания) – "Манчестер Сити" (Англия) 0:0

14 апрель, 00.00, «Ванда Метрополитано»

"Атлетико" – Облак, Савич, Фелипе, Рейнилду, Лоди (Корреа, 70), Лемар (Суарес, 82), Коке (де Пауль, 69), Кондогбиа, Льоренте, Гризманн (Карраско, 69), Жоау Феликс (Матеус Кунья, 82).

"Манчестер Сити" – Эдерсон, Уокер (Аке, 73), Стоунз, Лапорт, Жоау Канселу, Гюндоган, де Брюйне (Стерлинг, 65), Родри, Бернарду Силва (Фернандиньо, 79), Фоден, Марез.

Огоҳлантиришлар: Фелипе (24), Льоренте (80), Родри (85), Савич (90), Аке (90), Марез (90), Фоден (90), Жоау Канселу (90).

Четлатиш: Фелипе (90).