Yevropa Chempionlari Ligasining 1/4 final javob uchrashuvida "Atletiko" o‘z maydonida "Manchester Siti"ni qabul qildi.
YECHLning chorak final javob uchrashuvi ekanligini hisobga olgan holda aytish mumkinki, uchrashuvning 80 daqiqasi juda zerikarli tarzda o‘tdi.
Lekin, aynan so‘nggi 10 daqiqada jamoalar "uyg‘onishdi". "Atletiko" hujum qilishni boshladi, futbolchilar o‘rtasida ommaviy tartibsizlik yuzaga keldi, qizil kartochka ko‘rsatildi, ammo gol bo‘lmadi.
Pep Gvardiola shogirdlari dastlabki uchrashuvda kiritilgan gol evaziga yarim finalga yo‘l olishdi.
"Atletiko" (Ispaniya) – "Manchester Siti" (Angliya) 0:0
14 aprel, 00.00, «Vanda Metropolitano»
"Atletiko" – Oblak, Savich, Felipe, Reynildu, Lodi (Korrea, 70), Lemar (Suares, 82), Koke (de Paul, 69), Kondogbia, Lyorente, Grizmann (Karrasko, 69), Joau Feliks (Mateus Kunya, 82).
"Manchester Siti" – Ederson, Uoker (Ake, 73), Stounz, Laport, Joau Kanselu, Gyundogan, de Bryuyne (Sterling, 65), Rodri, Bernardu Silva (Fernandinyo, 79), Foden, Marez.
Ogohlantirishlar: Felipe (24), Lyorente (80), Rodri (85), Savich (90), Ake (90), Marez (90), Foden (90), Joau Kanselu (90).
Chetlatish: Felipe (90).
