Англия терма жамоасининг собиқ ҳимоячиси Рио Фердинанд Чемпионлар лигаси 1/4 финал жавоб ўйинида «Атлетико»нинг «Манчестер Сити»га қарши ўйинидан сўнг (0:0) мадридликларни олқишлади.
«Атлетико» футболчилари ажойиб ўйин намойиш этишди. Улар «Манчестер Сити»ни биз узоқ вақтдан бери кўрмаган ўйин кўрсатишга мажбур қилишди ҳамда уларни ўз ритми ва тезлигидан чиқариб юборишди» - деди Фердинанд.
Биринчи ўйинда «Манчестер Сити» минимал ҳисобда ғалаба қозониб, Чемпионлар лигасининг ярим финалига йўл олди. Хосеп Гвардиола шогирдларининг ярим финалдаги рақиби ««Реал» бўлади.
