Мадриднинг «Атлетико» клуби мухлислари «Манчестер Сити»га қарши ўйин охирида меҳмонлар устози Пеп Гвардиолани ҳақорат қилишди.
Чемпионлар лигаси 1/4 финал жавоб ўйинида жамоалар дуранг (0:0) ўйнашди. Аммо икки ўйин натижасига кўра, инглиз клуби ўз майдонидаги қўлга киритилган ғалаба (1:0) эвазига ярим финалга йўл олди.
Иккинчи бўлим охирида испаниялик мутахассисга «Ванда Метрополитано» стадионида бўлган мухлислар жиддий тўсқинлик қилишди.
Стадионда бўлган журналист Мигел Делани таъкидлашича, бутун стадион мураббийга қарши одобсиз қўшиқлар айтишди. Шунингдек, испаниялик мутахассисни куракда турмайдиган сўзлар билан ҳақорат қилишди.
