"Бенфика" бош мураббийи Нелсон Вериссимо "Ливерпуль" билан Чемпионлар лигаси 1/4 финали жавоб учрашуви (3:3) натижалари ҳақида фикр билдирди.
"Биз олдимизда қийин вазифа турганини билардик - дунёнинг энг яхши жамоаларидан бирини мағлуб қилиш. Бу ажойиб жамоага қарши ажойиб оқшом бўлди.
Албатта, ғалаба қозона олмаганимиздан афсусдамиз, аммо жамоа яхши ўйнади. "Бенфика"нинг барча мухлислари клубнинг Чемпионлар Лигасидаги иштироки билан фахрланишлари керак. Биз қийин гуруҳ босқичини ўтказдик, кейин “Аякс” ва “Ливерпуль” билан тўқнаш келдик. Ўйлайманки, биз ўзимизни яхши даражада кўрсата олдик", - деди Вериссимо УЕФА расмий сайтига берган интервьюсида.