«Атлетико» ва «Манчестер Сити» ўртасидаги ўйин тўқнашувлар билан якунланди.

Испаниядаги жавоб ўйини 0:0 ҳисобида якунланди ва бу инглиз клубига Чемпионлар лигасининг ярим финалига йўл олиш имконини берди.

Жамоалар иккинчи бўлимнинг асосий вақти якунига етгач, яна 12 дақиқа ҳаракат қилишди. Бу майдондаги кетма-кет тўқнашувлар натижасида содир бўлди.

«Атлетико» ҳимоячиси Фелипе 89-дақиқада Филипп Фоденга қарши кескин ўйнади. Ҳар икки жамоа футболчилари иштирокида муштлашув келиб чиқди. Стефан Савич Жек Грилишнинг сочидан тортди.

Қўшиб берилган вақтда бирданига бир нечта футболчи сариқ карточка олди, Фелипе эса майдондан четлатилди. Шунингдек, 100-дақиқада майдонга тушган мадридликлар бош мураббийи Диего Симеоне ҳам огоҳлантирилди.

Ҳакамнинг сўнгги ҳуштагидан сўнг футболчилар ўртасидаги муштлашув трибуна остида ҳам давом этди. У ерда ҳам футболчилар бир бирларини туртиб, қўполлик қилишди, Стефан Савич ва Жек Грилишлар бошқаларга қараганда фаолроқ ҳаракат қилишди.

Натижада УЕФА ходимлари «Ванда Метрополитано» стадиони трибуналари остидаги трибунага кириб борган Мадрид полициясидан ёрдам сўради.