«Atletiko» va «Manchester Siti» o‘rtasidagi o‘yin to‘qnashuvlar bilan yakunlandi.

Ispaniyadagi javob o‘yini 0:0 hisobida yakunlandi va bu ingliz klubiga Chempionlar ligasining yarim finaliga yo‘l olish imkonini berdi.

Jamoalar ikkinchi bo‘limning asosiy vaqti yakuniga yetgach, yana 12 daqiqa harakat qilishdi. Bu maydondagi ketma-ket to‘qnashuvlar natijasida sodir bo‘ldi.

«Atletiko» himoyachisi Felipe 89-daqiqada Filipp Fodenga qarshi keskin o‘ynadi. Har ikki jamoa futbolchilari ishtirokida mushtlashuv kelib chiqdi. Stefan Savich Jek Grilishning sochidan tortdi.

Qo‘shib berilgan vaqtda birdaniga bir nechta futbolchi sariq kartochka oldi, Felipe esa maydondan chetlatildi. Shuningdek, 100-daqiqada maydonga tushgan madridliklar bosh murabbiyi Diyego Simeone ham ogohlantirildi.

Hakamning so‘nggi hushtagidan so‘ng futbolchilar o‘rtasidagi mushtlashuv tribuna ostida ham davom etdi. U yerda ham futbolchilar bir birlarini turtib, qo‘pollik qilishdi, Stefan Savich va Jek Grilishlar boshqalarga qaraganda faolroq harakat qilishdi.

Natijada UYEFA xodimlari «Vanda Metropolitano» stadioni tribunalari ostidagi tribunaga kirib borgan Madrid polisiyasidan yordam so‘radi.