"Манчестер Сити" бош мураббийи Пеп Гвардиола "Атлетико"га қарши ўйиндан кейин ўз фикрларини билдириб ўтди. У жумладан шундай дейди:
"Бугун биз ғалабани нишонлашга ҳақлимиз. Негаки, биз клуб тарихида учинчи марта ЕЧЛ ярим финалида ўйнаймиз. Аммо биз атиги уч кун олдин муҳим баҳс ўтказганимизни унутмаслигимиз керак. Шу сабаб бу ерга йўқотишлар билан етиб келдик. Шу сабаб кейинги ҳафталарда бизни нима кутаётганини аниқ айта олмаймиз. Катта муаммо ёқасида қолдик. Доим ҳам юқори даражада ўйнаб, 4 ёки 5 та гол ура олмаймиз. Биз ҳам одаммиз".













