«Челси» ярим ҳимоячиси Лофтус Чик фаолиятини «Лацио»да давом эттириши мумкин, деб хабар беради Corriere dello Sport.
Манбанинг хабарига кўра, футболчининг Италия клубига ўтишини «бургутлар» бош мураббий Маурицио Сарри истамоқда. «Лацио» ёзда жамоадан кетиши мумкин бўлган Сергей Милинкович-Савичнинг ўрнига бошқа футболчилар қидирмоқда. Клуб ярим ҳимоячининг трансфери учун 20 миллион евро тўлашга тайёр.
26 ёшли футболчи жорий мавсумда жамоа сафида 31 та ўйинда майдонга тушиб, 4 та голга ассистентлик қилган. Унинг «Челси» билан шартномаси 2024 йилнинг ёзида якунига етади.
