«Атлетико»нинг собиқ ҳимоячиси Киран Триппьер бош мураббий Диего Симеоненинг усуллари ҳақида гапирди.

«Мен Симеоне қўл остида ўйнашни ёқтирардим. «Атлетико»да менинг ўйинларим анча яхшиланди. У ажойиб мутахассис. Кўпчилик уларнинг ўйинини ғалати дейишади, амм «Атлетико Ла Лигада бутунлай бошқача футбол ўйнашади», — деди Триппьер.

Ҳимоячининг қўшимча қилишича, Симеоне ўз жамоаси футболчиларини рақиб футболчиларига психологик босим ўтказиш учун шундай ўйин кўрсатади. 

«Энг кучли жамоаларга қарши кўпроқ ҳимояланиш керак. «Ливерпуль» ва «Челси» билан ўйнаганимизда, Симеоне рақибга провокация қилишимизни ва улар ўзини йўқотиб қўйишини айтди», — дея қўшимча қилди Триппьер.