Маттиа Перин «Ювентус» билан шартномасини 2025 йилгача узайтирди, дея хабар беради журналист Жанлука Ди Марцио.
Манба берган хабарга кўра, «Ювентус»да ўзгаришлар кутилмоқда. Периннинг аввалги шартномаси 2022 йилнинг ёзига қадар тузилган, шунинг учун у жорий мавсум охирида клубни тарк этиши мумкин эди. Шартнома бугун тушдан кейин расман эълон қилинади.
29 ёшли италиялик 2018 йилда «Кекса синьора»га «Женоа»дан 14,2 миллион евро эвазига кўчиб ўтганди.
Жорий мавсумда Перин Турин клуби сафида барча мусобақаларда 8 та ўйин ўтказиб, ўз дарвозасидан 8 та гол ўтказиб юборди ва уч марта ўз дарвозасини қуруқ қолдирди.
