Mattia Perin «Yuventus» bilan shartnomasini 2025 yilgacha uzaytirdi, deya xabar beradi jurnalist Janluka Di Marsio.
Manba bergan xabarga ko‘ra, «Yuventus»da o‘zgarishlar kutilmoqda. Perinning avvalgi shartnomasi 2022 yilning yoziga qadar tuzilgan, shuning uchun u joriy mavsum oxirida klubni tark etishi mumkin edi. Shartnoma bugun tushdan keyin rasman e’lon qilinadi.
29 yoshli italiyalik 2018 yilda «Keksa sinyora»ga «Jenoa»dan 14,2 million yevro evaziga ko‘chib o‘tgandi.
Joriy mavsumda Perin Turin klubi safida barcha musobaqalarda 8 ta o‘yin o‘tkazib, o‘z darvozasidan 8 ta gol o‘tkazib yubordi va uch marta o‘z darvozasini quruq qoldirdi.
