«Арсенал» ҳимоячиси Габриэл «Барселона»нинг қизиқишлари ҳақидаги хабарларга изоҳ берди.
«Ўзимни яхши ҳис қиляпман. Умуман олганда, «Арсенал»да ўзимни худди уйдагидек ҳис қаламан. Бу ажойиб жамоа ва ишончим комилки, биз биргаликда кўп нарсага эришамиз. Мен бу ерда жуда бахтлиман», - дейди Габриэл.
Аввалроқ Каталония клуби Антонио Рюдигернинг трансфери бўйича музокаралар тўхтаб қолганидан сўнг, «канонирлар» ҳимоячисини ўз сафига қўшиб олмоқчилиги ҳақида хабар берилганди. Аммо Габриэл Premier League Productions нашрига берган интервьюсида ҳозирги клубида ҳамма нарсадан мамнун эканлигини айтди.
