"Насаф" бош мураббийи Рўзиқул Бердиев ОЧЛ гуруҳ босқичи 3-туридан ўрин олган "Ал-Файсалий"га қарши ўйин олдидан матбуот анжуманида қатнашди.
"Рақибимиз ўйинни яхши ташкил эта олади. Уларда кучли ва маҳоратли футболчилар етарлича. Биз бу жамоа ҳақида ўз тасаввуримизга эгамиз. Уларнинг 2 та ўйинини кузатиб чиқдик. Баҳсга жамоамиз ҳар тарафдан тайёр бўлади.
"Ал-Файсалий"нинг "Ас-Садд" устидан қозонган ғалабасини омад туфайли деб бўлмайди. Жамоа "Садд" билан ўйинда жуда тартибли ҳаракат қилди. Шунингдек, уларда кучли футболчиларнинг савияси ғалабанинг асосий омили бўлди.
"Файсалий" клубини кучсиз томонларини бу ерда муҳокама қилмоқчи эмасман. Биз рақибни ўрганиб чиқдик. Жудаям тартибли ўйин намойиш этадиган жамоага қарши ўйинда уларнинг камчиликларидан фойдаланишга ҳаракат қиламиз. Уларга қарши аниқ тасаввурга эгамиз деб айта оламан", - деди Бердиев.
