"Nasaf" bosh murabbiyi Ro‘ziqul Berdiyev OCHL guruh bosqichi 3-turidan o‘rin olgan "Al-Faysaliy"ga qarshi o‘yin oldidan matbuot anjumanida qatnashdi.
"Raqibimiz o‘yinni yaxshi tashkil eta oladi. Ularda kuchli va mahoratli futbolchilar yetarlicha. Biz bu jamoa haqida o‘z tasavvurimizga egamiz. Ularning 2 ta o‘yinini kuzatib chiqdik. Bahsga jamoamiz har tarafdan tayyor bo‘ladi.
"Al-Faysaliy"ning "As-Sadd" ustidan qozongan g‘alabasini omad tufayli deb bo‘lmaydi. Jamoa "Sadd" bilan o‘yinda juda tartibli harakat qildi. Shuningdek, ularda kuchli futbolchilarning saviyasi g‘alabaning asosiy omili bo‘ldi.
"Faysaliy" klubini kuchsiz tomonlarini bu yerda muhokama qilmoqchi emasman. Biz raqibni o‘rganib chiqdik. Judayam tartibli o‘yin namoyish etadigan jamoaga qarshi o‘yinda ularning kamchiliklaridan foydalanishga harakat qilamiz. Ularga qarshi aniq tasavvurga egamiz deb ayta olaman", - dedi Berdiyev.
