Гана терма жамоаси футболчиси Андре Айю ЖЧ-2010даги Луис Суареснинг ҳатти-ҳаракатлари ҳақида фикр билдирди.
Чорак финал ўйинининг қўшимча таймида Суарес тўпга қўли билан зарба бериб, Уругвай терма жамоаси дарвозасига кириб кетаётган тўпни қайтариб қолганди. Ҳакам ҳужумчига қизил карточка кўрсатиб, Гана терма жамоаси фойдасига пенальти белгилади. Асамоа Гьян 11 метрлик зарбани ноаниқ амалга оширган ва Гана пенальтилар сериясида мағлубиятга учраганди.
“Аввал ҳам айтганимдек, балки унинг ўрнида бўлганимда ҳам шундай қилган бўлардим.
Тўғри, у бизни ўлдирди, бизнинг орзумизни ўлдирди, у африкаликларнинг орзусини ўлдирди ва биз ҳаммамизда ярим финалга чиққан биринчи Африка давлати бўлишимизга тўсқинлик қилганини ҳис қиламиз. Бу алам абадий қолади.
Лекин бу ишни миллати учун қилди, қарор чиқарди, бу иш юзасидан орқага қарамаслик керак. Биз яхши ўйнашни ва Қатардаги жаҳон чемпионатида муваффақият қозонишга ҳаракат қилишни истаймиз” - деди Қатарнинг “Ас-Садд” ва Гана терма жамоаси ярим ҳимоячиси.
