"Манчестер Юнайтед" раҳбарияти ёзги трансфер мақсадлари ҳақида қарор қабул қила бошлади. Бу ҳақда инсайдер Фабрицио Романо хабар берди.
Манба берган хабарга кўра, "Манчестер Юнайтед" раҳбарлари "Эвертон" ҳужумчиси Ришарлисон ва "Бенфика" ҳужумчиси Дарвин Нуньесни жамоага ўтказиш имкониятларини муҳокама қилишган.
Ришарлисон жорий мавсум “Эвертон” сафида 23 та ўйинда майдонга тушиб, 5 та гол урди ва 3 та голли узатмани амалга оширди. Унинг клуб билан шартномаси 2024 йилнинг 30 июнига қадар мўлжалланган. Transfermarkt портали футболчининг нархини 50 миллион еврога баҳолаган.
