“Барселона” бош мураббийи Хави журналист билан суҳбатда Европа лигасининг жавоб учрашуви вақтида Франкфуртнинг “Айнтрахт” клуби мухлисларининг кўплигидан жуда норози эканлигини айтди.
"Шубҳасиз, атмосфера бизга ёрдам бермади ва клуб нима учун бундай бўлганини ўрганмоқда. Футболчилар ҳам бунинг сабабини билишни хоҳлашади. Бу биз томонга аниқ нотўғри ҳисоб бўлди", - деди Хави.
"Барселона" президенти Жоан Лапорта содир бўлган воқеадан уялганини тан олди.
“Бўлган воқеа шармандалик. Мен ўзимни ноқулай ҳис қиляпман. Мен уялдим ва кўрганимдан жуда афсусдаман”, — деди Лапорта.
