“Челси” ҳужумчиси Ромелу Лукаку “Реал”га қарши Европа Чемпионлар лигаси 1/4 финал биринчи ўйинида олган жароҳатидан фориғ бўлди. "Кўклар" бош мураббийи Томас Тухель бельгиялик футболчи Англия кубоги ярим финалидаги "Кристал Пэлас"га қарши ўйнашга тайёр эканлигини айтди.
"Кеча Ромелу машғулотларга қайтди, унинг жароҳати тўлиқ тикланди. Қолган футболчиларнинг ҳаммаси яхши”, деди Тухель ўйиндан олдинги матбуот анжуманида.
"Кристал Пэлас"га қарши ўйинда узоқ вақтга сафдан чиққан Каллум Хадсон-Одои ва Бен Чилуэлл ўтказиб юборади. Учрашув 17 апрел якшанба куни "Уэмбли" стадионида бўлиб ўтади. "Челси" кетма-кет учинчи марта Англия кубоги финалига чиқиши мумкин.
