Махачқалъанинг "Анжи" клубида тўп сураётган ҳамюртимиз Одил Аҳмедов Россия чемпионатининг "Кубан"га қарши учрашув борасида ўз фикрларини билдириб ўтди.
"Албатта икки тўп фарқи билан ҳисобда олдинда бораётган вазиятда ғалабани қўлдан чиқариш аламли бўлади. Биз ўтказиб юборилган голга қадар жуда яхши ўйин кўрсатаётгандик. Ўйин назоратимиз остида эди".
"Ҳисоб 2:0 бўлиб турганида биз учинчи голни ҳам уришимиз мумкин эди. Бироқ охир-оқибатда ўзимиз гол ўтказиб юбордик. Алабтта бу дегани барчаси тугади, дегани эмас. Биз яна икки учрашувни ўз уйимизда ўтказамиз. Агар ўша учрашувларни муваффақиятли ўтказсак, мухлисларимизга еврокубокларда иштирокни совға қилишимиз мумкин бўлади", дея футболчининг сўзларидан иқтибос келтирмоқда "Анжи" расмий сайти.