"Ювентус" бош мураббийи Массимилиано Аллегри клуб вице-президенти Павел Недвед билан можаро бўлгани ҳақидаги миш-мишларни рад этди.
Олдинроқ Недвед Аллегрининг "Кальяри"га қарши ўйинда ҳужумчи Пауло Дибалани алмаштирганидан норозилигини билдирган эди.
«У майдонда содир бўлган воқеаларга муносабат билдирди холос. Ўйинни трибунадан томоша қилиб, ўз жойида қолиш осон эмас.
Ўртамизда ҳеч қандай муаммо йўқ. Биз бирга ишлаймиз ва ўзаро яхши мулоқот қиламиз», - дейди Аллегри матбуот анжуманида.













