"Манчестер Юнайтед" клуби бош мураббийи Сэр Алекс Фергюсон Англия терма жамоаси бош мураббийлиги вазифасига Рой Хожсон тайинланганини қўллаб-қувватлади.
"Рой жуда катта тажрибага эга мураббий. У ушбу вазифа учун муносиб номзоддир. Уни ҳамма хурмат қилади. Тажриба омилини паст баҳолаш керак эмас. Мен доим Англия терма жамоаси бош мураббийи 60 ёшдан ошган бўлиши керак деб ҳисоблаганман. Бундай иш учун сизга клубларда тўплаган бутун тажрибангизни ишга содишингиз лозим бўлади. Умид қиламанки, Рой ҳаммасини уддалайди", — дея Фергюсон сўзларидан Sky Sports иқтибос келтирмоқда.
