"Вест Хэм" сардори Марк Нобл "Лион"га қарши кечган Европа Лигаси чорак финали жавоб учрашувидан сўнг (3:0) қолган футболчиларга ўрнак бўладиган ишга қўл урди.

У Францияда қўлга киритилган йирик ғалабадан кейин "Люмьер" стадиони кийиниш хонасини тозалаб қўйди.

Бугун ижтимоий тармоқларда клуб сардорининг хоналарни тозалаётгани акс этган суратлар тарқалди.

Манбада айтилишича, 34 ёшли футболчи бу ҳаракатни ҳар доим амалга ошириб келган. 

Эслатиб ўтамиз, "Вест Хэм" икки ўйин натижасига кўра "Лион"ни умумий 4:1 ҳисобида мағлуб этиб, ярим финалга йўл олди ва ушбу босқичда "Айнтрахт"га қарши финал йўлланмаси учун курашади.