"Vest Xem" sardori Mark Nobl "Lion"ga qarshi kechgan Yevropa Ligasi chorak finali javob uchrashuvidan so‘ng (3:0) qolgan futbolchilarga o‘rnak bo‘ladigan ishga qo‘l urdi.
U Fransiyada qo‘lga kiritilgan yirik g‘alabadan keyin "Lyumyer" stadioni kiyinish xonasini tozalab qo‘ydi.
Bugun ijtimoiy tarmoqlarda klub sardorining xonalarni tozalayotgani aks etgan suratlar tarqaldi.
Manbada aytilishicha, 34 yoshli futbolchi bu harakatni har doim amalga oshirib kelgan.
Eslatib o‘tamiz, "Vest Xem" ikki o‘yin natijasiga ko‘ra "Lion"ni umumiy 4:1 hisobida mag‘lub etib, yarim finalga yo‘l oldi va ushbu bosqichda "Ayntraxt"ga qarshi final yo‘llanmasi uchun kurashadi.