"Бёрнли" бош мураббийи Шон Дайч истеъфога чиқарилгач, "Ливерпуль" бош мураббийи Юрген Клопп Англия Премьер-лигасининг амалдаги мураббийлари рўйхатида биринчи ўринга чиқиб олди.
Клопп "мерсисайдликлар"ни 6 йилу 189 кундан бери бошқариб келмоқда. "Манчестер Сити" бош мураббийи Хосеп Гвардиола иккинчи ўринда. Учинчи ўринни "Брентфорд"ни бошқараётган Томас Франк эгаллаб турибди. «Челси»ни бошқараётган Томас Тухель эса жамоада бир йилдан сал кўпроқ вақтдан бери ишлаб келмоқда.
Англия премьер-лигасининг жорий мавсумида “Бёрнли” 30 учрашувда 24 очко жамғарган ва турнир жадвалида 18-ўринда бормоқда.
Дайч қўл остида "Бёрнли" икки марта чемпионшипдан Премьер-лигага қайтган. Шунингдек, Шон бошчилигида жамоа 50 йил ичида илк бор еврокубокларга чиқди – 2018/2019 йилги мавсумда “Бёрнли” Европа лигасида ўйнади.
