Жан-Пьер Папен Франция футболи тарихидаги барча даврларнинг энг яхши футболчиларидан бири бўлган. Ёш бўлишига қарамай, айнан шу атамани Килиан Мбаппега нисбатан ҳам ишлатишимиз мумкин. Ушбу икки футболчининг қай бири яхшироқ натижаларга эга (бўлгани) эканини билиш учун, уларни солиштириб кўриш талаб этилади. Бу борада "ПСЖ" ҳамда "Марсель" юлдузларини ҳар томондан таҳлил қилишга ҳаракат қиламиз.

1. Тўпурарлик

Эътироф этиш керакки, Килиан Мабаппенинг яқин йилларда кўрсатаётган сермаҳсуллиги таҳсинга лойиқ. У аллақачон "Пари Сен-Жермен" тарихидаги энг яхши иккинчи тўпурарга айланиб улгурган (еткачи: Эдинсон Кавани 200 та гол). Агарда француз иқтидорининг сўнгги 12 ой ичидаги ўсишига қараб баҳо берсак, у келаётган яқин йилларда ҳозиргидан ҳам яхшироқ натижаларга эришишини тахмин қилиш мумкин бўлади.
Шундай фантастик натижаларга қарамай, бу борада Пепенни қувиб ўтиш осон бўлмайди. "Кичкина шаҳзода"нинг Франция чемпионатида кўрсатган натижалари шундан дарак бермоқда:

- 4 та мавсумда кетма-кет 30 та ва ундан кўп гол уриш;
- 5 марта кетма-кет Франция чемпионатининг энг яхши тўпурари соврини.

Папен ўз даврининг нафақат голеадори эди, балки ассистентлик борасида ҳам катта ютуқларга эришганди. Шу сабаб бу борада Папенни тенгсиз деб аташга мажбурмиз.

2. Атлетизм

Спортчининг жисмоний ҳолати ҳақида гап кетганида, ҳамма буюкларни бу рўйхатга кирита олмайсиз. Бунга Роналдонинг тиззасидан олган жароҳати ва фаолиятининг сўнишини мисол қилиб келтиришимиз мумкин. Бироқ, Мбаппе бу борада ўзгачароқ. "ПСЖ" таркибидаги энг хавфли ҳудумчи, дунё футболида ўз атлетизми, хусусан, тезлиги билан ажралиб туради. Шу сабаб, категориянинг ушбу йўлида Килиан Мбаппенинг тенгсизлигини еътироф этиш лозим.

3. Ўйин тақдирини ҳал қилиш

Пепен "Марсель" сафидаги энг катта таъсир доирасига эга футболчи эди. У жамоасини кўп вазиятлардан олиб чиқиб кетган. Унинг тўрт карра Франция чемпиони бўлгани, буни кўрсатиб турибди. Шунингдек, Папен Европа чемпионати финалида ҳам ҳаракат қилган. Аммо Мбаппе Жаҳон чемпионати ярим финалида гол уришга эришган. Шу сабаб у бу категорияда устунликка эга. 24 ёшли ҳужумчи ўз фаолияти давомида фақат битта мундиалда иштирок этганига қарамай, Жаҳон чемпионатининг плей-офф баҳсларида Роналду ва Мессининг натижаларидан яхшироқ кўрсаткичга эга (қўшиб ҳисоблаганда). Шундай экан, Мбаппе сўзсиз бу борада устунликка эга.

4. Клубдаги фаолият

"Марсель" сафида севиб-ардоқланган, олқишланган футболчиларнинг энг яхшиси Папен саналади. Ҳужумчи деярли клуб тарихидаги ягона "олтин давр"нинг яратувчиси эди. Шу сабаб жамоа мухлислари ҳеч қачон уни эсдан чиқармайди. 90 йилларда Европа қитъасини тўлқинлантирган шахслар ичида Папен ҳам еътироф этилади.
Килиан Мбаппе "ПСЖ" тарихидаги энг яхши ва ёш футболчи бўлиши мумкиндир. Аммо футболчининг клубдан кетишга интилиши, мухлислар томонидан яхши қабул қилинмайди, албатта. Агар у жамоадан кетса, парижлик мухлислар уни ҳурмат билан тилга олишини тасаввур қилиш жуда қийин ишга айланади. Папен эса ўз умрини бир клубга бахшийда этган эди ва бу иш уни ғолибга айлантирди.

инглиз тилидан Жалолиддин ИСМАТОВ таржимаси