"Ливерпуль"нинг собиқ ярим ҳимоячиси, ҳозирда "Астон Вилла" бош мураббийи сифатида фаолият олиб бораётган Стивен Жеррард Луис Суарес билан бирга ўтказган машғулотлари ҳақида фикр билдирди.
“Ҳатто машғулотларда ҳам Суаресда ғалаба қозониш истаги кучли эди. Ёдимда, бир марта машғулотдан сўнг Каррагер билан бирга кетаётсам у менга шундай деган эди: "Мен ҳар куни машғулотларда унга қарши ўйнашни хоҳламайман, деди", - деб эслайди Жеррард The Overlap билан суҳбатда.
Жеррард уругвайлик ҳужумчи ўзининг алдамчи ҳаракатлари билан ҳимоячиларни осонликча шарманда қилишини, қандай қилиб муваффақиятга эришаётганини ўзи ҳам сезмай қолишини таъкидлади.
Суарес 2011-2014 йилларда "Ливерпул"да ўйнаган. Мерсисайд жамоаси таркибида у Англия Лига Кубогини қўлга киритди. Ҳозирда 35 ёшли ҳужумчи Мадриднинг “Атлетико” клуби шарафини ҳимоя қилмоқда.
