Криштиану Роналду “Норвич”га қарши ўйинда хет-трик қайд этди.
“Манчестер Юнайтед” ҳужумчиси фаолиятидаги 60-хет-трикини қайд этди (шундан 10 таси Португалия терма жамоасидаги ўйинларда).
Бу амалдаги футболчилар орасидаги энг яхши натижа. Роналдудан кейинги ўринда турган “ПСЖ” ҳужумчиси Лионель Месси фаолияти давомида 55 та хет-трик қайд этган.
Роналду ўз фаолияти давомида 3 марта АПЛда хет-трик қайд этишга муваффақ бўлди: бу мавсумда у "Тоттенхэм"га қарши ўйинда хет-трик қайд этди ва биринчи марта 2008 йилнинг январь ойида "Ньюкасл"га қарши ўйинда ушбу натижага эришганди.
