“Манчестер Юнайтед” ҳужумчиси Криштиану Роналду Англия чемпионатининг 33-туридан ўрин олган “Норвич”га (3:2) қарши ўйинда хет-трик қайд этди.

“Аввал айтганимдек, индивидуал ютуқлар жамоага натижаларга эришишда ёрдам берган тақдирдагина аҳамиятлидир. Фаолиятимдаги 60-хет-трик мен учун жуда муҳим, чунки у бизга уч очко келтирди.

Яхши ўйин, футболчиларнинг ҳаммаси катта куч сарфлади. Биз таслим бўлмаймиз ва охиригача курашамиз!”, — деб ёзди ҳужумчи ижтимоий тармоқлардаги саҳифасида.

37 ёшли португалиялик Англия чемпионатининг жорий мавсумида иккинчи хет-трик қайд этди. Роналду жорий мавсумда АПЛдаги 15-голини урди.

Роналду фаолиятидаги 60-марта битта ўйинда учта ва ундан кўп гол урди. Улардан 50 нафари клуб фаолиятидан, яна ўн мартаси Португалия терма жамоасидаги сафида қайд этилган.