«ПСЖ» ҳимоячиси Ашраф Хакимий жамоадоши Килиан Мбаппенинг келажаги ҳақида фикр билдирди.
«Мбаппе менинг дўстим ва дунёнинг энг яхши ўйинчиларидан бири», деди 23 ёшли марокашлик футболчи Telefoot нашрига. «Мен унинг шу ерда қолишини хоҳлайман. У карьераси учун қайси қадам фойдалироқ бўлишини ўзи ҳал қилади ва мен уни қўллаб-қувватлайман», — деди Хакимий.
Килиан Мбаппенинг келажаги яқин орада ҳал бўлиши мумкин. Франциялик футболчи «Реал»га ўтиш ёки парижликлар билан тугайдиган шартномасини узайтириш ўртасида қарор қабул қилмоқда.
Ашраф Хакимий «Реал Мадрид» тарбияланувчиси ҳисобланади. 2020 йилда у 43 миллион евро эвазига «Интер»га ўтган, бир йилдан сўнг эса «ПСЖ»га 66,5 миллионга сотилган.
