«Боруссия Д» клуби спорт директори Себастьян Келнинг айтишича, Дортмунд клуби Эрлинг Холанд борасида музокаралар олиб бормоқда.
«Холанднинг товон пули бор ва унинг миқдори ҳаммага маълум. Биз имкон қадар тезроқ қарор қабул қилинишини хоҳлаймиз. Музокаралар давом этмоқда, аммо бу ҳақда бошқа айтадиган гапим йўқ.
Мен бошқа ҳеч нарсани ошкор қилишни хоҳламайман. Қанчалик тез қарор қабул қилинса, шунча яхши. Умид қиламанки, бу ўз вақтида амалга оширилади», — деди «Боруссия Дортмунд» спорт директори Sky нашрига.
21 ёшли ҳужумчи жорий мавсумда «Боруссия» сафида 26 ўйинда 25 та гол ва 7 та голли узатмани амалга оширди.
