"Манчестер Юнайтед" шу ёзда дарвозабон Дин Хендерсонни сотишга тайёр. Бироқ, клуб 25 ёшли футболчи учун 40 миллион фунт талаб қилмоқда, дея хабар беради Daily Star.
“Қизил иблислар”нинг захира дарвозабони қишда ҳам кетиши мумкин эди, аммо клуб уни мавсумнинг қизғин палласида қўйиб юборишни истамади.
Хендерсонга Англия Премьер-лигасининг бир қатор клублари қизиқиш билдирмоқда ва "Ньюкасл" асосий даъвогар сифатида кўрилмоқда.
Дин Хендерсон жорий мавсумда "Юнайтед"нинг асосий жамоаси сафида Премьер-лигада иштирок этмаган ҳолда барча мусобақаларда бор-йўғи 3 та ўйинда майдонга тушди.
