"ПСЖ" ҳимоячиси Ашраф Ҳакимий Франция чемпионатининг 32-турида "Марсель" билан ўйиндан олдинги фикрлари билан ўртоқлашди.
“Ҳеч қандай босим бўлмаслиги керак. Биз "ПСЖ" формасини кийишга масъулмиз, чунки бу катта клуб! Кўп стандартларга риоя қилишни талаб қиладиган жамоа. “Марсел”га қарши ўйиндан алоҳида умидлар борлигини, ўзгача рақобат борлигини биламан.
Мен буни уларнинг стадионида бошдан кечирганман, энди эса уйда буни бошдан кечириш имконига эгаман. Бу чемпионат тақдирини амалда ҳал қилиши мумкин бўлган ўйин", - дея Ҳакимийнинг сўзларини келтиради Goal.
"ПСЖ" 31 турдан кейин 71 очко билан Франция чемпионати турнир жадвалида пешқадамлик қилмоқда. “Марсель” 31 турдан кейин 59 очко билан иккинчи ўринда бормоқда.
