«Андижон»га янги таклиф этилган легионерлар – дарвозабон Александр Петухов ва ҳимоячи Тадас Гражюнас жароҳати боис ўз ватанларига қайтиб кетишди. Бу ҳақда клуб мухлислар сайти хабар тарқатмоқда.

Манбада кўрсатилишича, футболчилар ўз мамлакатларида даволаниб кейин ортларига қайтишади.

Таъкидлаб ўтиш жоиз, жароҳати боис, белоруссиялик посбон «Насаф» - «Андижон» ҳамда «Андижон» - «Нефтчи» учрашувларини ўтказиб юборди. Гражюнас эса жамоанинг «Нефтчи» билан учрашувида иштирок эта олмаганди.

Бундан ташқари жамоанинг маҳаллий футболчиси Ислом Аҳмедов ҳам «Нефтчи»га қарши ўйиннинг ўрталарида жароҳат олиб майдонни тарк этганди. Ҳозирда у ҳам жароҳатини даволаш билан банд. Ҳужумчи Лочин Солиев эса асосий таркиб билан машғулотларда қатнашмоқда. Лекин унинг янада соғайиши учун бироз вақт зарур.

Қолган футболчилар эса «Пахтакор» билан бўладиган муҳим учрашувга тайёргарлик кўришмоқда. Александр Аверьянов шогирдлари Тошкентга эртага эрталаб йўл оладилар.