"Кристал Пэлас" бош мураббийи Патрик Виейра Англия кубоги ярим финалида "Челси"га қарши ўйиндаги мағлубият (0:2) ҳақида фикр билдирди.
"Натижани адолатли деб ҳисоблаш мумкинми, билмайман. Биринчи бўлимда биз рақибни кўп ғазаблантирдик. Имкониятларимиз бор эди, яхшироқ ҳаракат қилишимиз мумкин эди. Катта жамоаларга қарши ўз имкониятларингиздан унумли фойдаланиш муҳим. Биз эса буни уддалай олмадик. Ўйлайманки, бундай юқори савиядаги жамоаларга қарши ўйинлар бизни яхшироқ жамоага айлантиради. Бизда имкониятлар бўлди, лекин гол ура олмадик" - деди Виейра ITV Sport билан суҳбатда.
