«Ливерпул»нинг собиқ футболчиси Грэм Сунесс «Манчестер Юнайтед» ярим ҳимоячиси Поль Погбанинг ҳозирги жамоасидаги келажаги ҳақида гапирди.
«Агар «Манчестер Юнайтед» Погбага янги шартнома таклиф қилса, бу фақат унга тўланган 89 миллион фунтнинг бир қисмини қоплаш учун амалга оширилади.
«Манчестер Юнайтед»нинг барча рақиблари Полнинг ёзда жамоада қолишини хоҳлашади. Бу ўз-ўзидан кўп нарсани англатади. Баъзан ўзимдан уни нима қизиқтиради деб сўрайман: Инстаграмдаги обуначиларми ёки футбол майдонидаги фидойиликми?
«Манчестер Юнайтед» Англиянинг трансфер рекордини янгилашдан олдин Фергюсондан маслаҳат сўрадими? Шубҳасиз, ҳеч ким Премьер-лига тарихидаги энг буюк мураббий тажрибасидан фойдалана олмади», - дея Сунесснинг сўзларини келтиради Goal.
